Таяуда ғана жарияланған Мемлекет басшысы Нұрсұлтан Назарбаевтың «Ұлы даланың жеті қыры» атты мақаласына қалың көпшілік тарапынан үлкен қызығушылық байқалуда. Бұл былтыр жарияланған «Болашаққа бағдар: рухани жаңғыру» мақаласының заңды жалғасы.
Қазір өзіміз өмір сүріп отырған жаһандану заманында өткенімізді ой елегінен өткізіп, болашағымызды айқындап алудың мәні зор. Ұлт Көшбасшысы әркім өзіне тарих өлшемі арқылы қарап, өзіміздің кім екендігімізді, қазіргі жаһандану кезеңіндегі орнымызды айқындап алудың маңыздылығына назар аударады.
Елбасының мақаласында алға қойылып отырған міндеттер қай-қайсымыз үшін де аса маңызды. Өзіміз өмір кешіп жатқан Ұлы дала адамзат баласына талай саңлақтар мен ұлы тұлғаларды берді, ал қазақ жері жүздеген ұлттар мен ұлыстарды біріктіріп, ортақ Отандарына айналды. Мен жергілікті ұлт өкілі болмасам да, тағдыр табыстырған Отанымның өткен тарихын білуді өзімнің парызым деп түсінемін және басқалар да бұл пікірімді қолдайды деген ойдамын.
Мақалада көтерілген жеті жылға бағдарланған «Архив-2025» бағдарламасын жасау, «Ұлы даланың ұлы перзенттері» атты оқу-ағарту энциклопедиялық саябағын ашу, «Түркі өркениеті: түп-тамырынан қазіргі заманға дейін» атты жобаны қолға алу тарихымызды толымды етіп, шынайы және нақты деректерге негізделген шежіресін жасауға игі ықпалын тигізері анық. Бұл жобалардың бәрін жүзеге асыру арқылы заман талабына сай қарқынды дамуға бағдар ұстанған еліміздің биіктерді бағындырудағы жаңа сатыға көтерілуге жағдай жасалатынына сенемін.
Ирина ЖУКОВА,
Ақмола облыстық мәслихатының депутаты.
