Әр адам өз алдына мақсат қоя тұра, оны қалай және қандай жолмен бастасам деген ойға тіреледі. Кейбіреуі кітап оқып, көптеген зерттеулерге бел буып, ғылым жолына түседі,ал тағы біреулері денесін шынықтырып, спорт әлемін бағындыруға талпынады.
Бұл жолдар әлбетте, өте дұрыс. Бірақ,екінің бірі атақты ғалым немесе кәсіпқой спортшы бола алмайды, сондықтанда мейлі мұғалім, журналист, аспазшы, дәрігер,тағы басқамаман бол, денсаулықты ойлау бірінші орында тұруы тиіс. Себебі, денсаулық арқылы ғана үлкен жетістіктерге жетіп, елімізге, оның өркендеуіне қол ұшын бере аламыз. Ал, денсаулықты қалай сақтап, нығайтуға болады десек, оған әлбетте, спорткөмекке келеді.
Спортпен шұғылдану дегеніміз – ол зілдей темір көтеріп, ентіккенше жүгіру емес, кішігірім болса да, әр күні үзбей істеген арнайы жаттығулар да спортқа жатады. Мысалы, таңертең қарапайым жаттығулар істеп турникке тартылудың өзіжеткілікті болады. Ал, егер де денсаулығыңызды одан әрі дамытып, қолға алғыңыз келсе,кешке қарай спорт кешеніне барып,30-40 минутыңызды бөлсеңіз өте керемет болар еді.Спорт кешенде денеңізді жарақаттапалмас үшін арнайы білікті жаттықтырушыларға жүгінген жөн болады.Сіз бар денсаулығыңызды жұмысқа салып, күн-түн демей, жұмыс істесеңіз денсаулығыңыз сыр беруі мүмкін. Сондықтан да, бәрін өз ретімен аздан бастап қолға алу керек. Атам қазақ «дені саудың – тәні сау» деп бекер айтпаған, бәріңіздің де денсаулықтарыңыз өз қолыңызда. Ерінбей-жалықпай күніне бір мезгіл осыған көңіл бөлсек, дұрыс болмақ. Ендеше, өзімізді осыған дағдыландырып, спорт деген құдіретке салқын қарамайықшы. Қайта онымен дос, серіктес болайық.
ӘнуарКӨШЕРБАЙ.
