Облыс әкімі Ермек Маржықпаевтың төрағалығымен еліміздегі төтенше жағдайға байланысты құрылған жедел штабтың кезекті отырысы болып өтті.
Кезекті отырыста облыс әкімі Е.Б. Маржықпаев еліміздегі жағдай бойынша мәлімет берді және Алматы, Нұр-Сұлтан қалаларымен қатар, қазіргі таңда Қарағанды облысында да екі адам коронавирус жұқтырғандығы анықталдығын атап өтті. Біздің облыс Нұр-Сұлтан қаласына жақын болғандықтан, кез келген жағдайға тас түйін дайын болғанымыз дұрыс. Бұл орайда, облыс әкімінің орынбасары Айна Мысырәлімова індеттің алдын алу шаралары жөнінде есеп берді. Дәрі-дәрмек, антисептиктер, маскілер мен қолғаптар, медициналық қызметкерлерге қажет болатын арнайы киімдер, залалсыздандыру құралдары барлығы әзір екендігі әзір екендігі айтылды.
Төтенше жағдай салдарынан ең алдымен халық арасында жұмыссыздықтың орын алатындығы бұл күнде басты мәселеге айналып отыр. Осы орайда, облыс әкімі кәсіпкерлік және өнеркәсіп басқармасының басшысы Ербол Оспановқа кәсіпорындардағы жұмыс барысына бақылау жүргізуді және санитарлық-гигиеналық талаптарды орындауға қадағалау жүргізуді, шетел азаматтары жұмысқа шақыртылатын, не болмаса келетін болса, оларды тексерістен өткізіп барып, жұмысқа кірістіруді тапсырды.
Облыстағы медициналық ұйымдарда және үй карантинінде жатқан адамдарға мониторинг жүргізіп отыру тиісті орындарға жолдады. .
Ырысалды ТӨЛЕГЕНҚЫЗЫ,
«Арқа ажарының» өз тілшісі.
