Жеке кәсіпкер Бархан Оспанова дүкенінің ішінен тігін цехын ашып, 2011 жылдан бері іс тігумен айналысып келеді.
Шағын кәсіпорында он екі адам еңбек етеді. Екі тігінші жұмысқа аудандық жұмыспен қамту орталығы арқылы орналасқан. Биыл жеке кәсіпкер тігін машиналары мен қондырғыларын сатып алды. Тігіншілер негізінен, әртүрлі киім мен киіз үйдің жабдықтарын, қыз жасауы мен ұлттық бұйымдарды тігеді.
Биылғы жылы Есіл қаласындағы №1 орта мектептің төрт жүз оқушысына мектеп формасын, музыка мектебі мен орта мектептерге қазақтың ұлттық киімдері мен концерттік киімдер тігіп берді. Сондай-ақ, чистопольдықтардың әртүрлі ұлттық киімдері де осы шебер тігіншілердің қолынан шыққан. Мұнда қой мен түйе жүні де өңделіп, соңғысынан көрпе тігіледі.
Рамазан ТІЛЕУОВ.
Суретті түсірген Берік ЕСКЕНОВ.
Есіл ауданы.
