КӨКШЕТАУ. ҚазАқпарат – Ақмола облысында 9 сәуір сағат 10:00 жағдай бойынша COVID-19 жұқтырғандардың саны 56 адамға жетті, деп хабарлайды ҚазАқпарат тілшісі облыстық денсаулық сақтау басқармасына сілтеме жасап.
Ведомствоның мәліметінше, COVID-19 тағы 13 адамнан табылды. Қауіпті індетті жұқтырғандардың алды 99 жаста, олардың барлығы арнайы әлеуметтік көмек алушылар.
«Осыған дейін талдау материалы әлеуметтік көмек алушылар мен қызметкерлерден (жақын байланыста болған 216 адам) алынған еді. Оның ішінде орталықтың 34 әлеуметтік көмек алушысы және 1963 жылғы қызметкерінің бойынан қауіпті инфекция анықталды. Бұлардың барлығы 2-ші сәуірде көз жұмған Целиноград ауданының 1947 жылғы тұрғынымен байланыста болғандар», — дейді ведомстводан.
Сонымен қатар, облыстың станционарында 371 науқас жатыр. Жұқпалы аурулар ауруханасында – 40, провизорлықта – 97, карантиндік стационарда – 234 адам жатыр. Ал, үй карантинінде 792 адам бар.
