Ақмола облыстық туберкулезге қарсы динспансерінің жұқпалы аурулар бөлімшесінде коронавирустан емделіп жатқан 31 жастағы жүкті әйел дені сау сәбиді дүниеге әкелді.
Облыстық денсаулық сақтау басқармасының мәліметінше, 31 жастағы әйел 13 мамырда Целиноград ауданының Қосшы ауылынан коронавирус диагнозымен Ақмола облыстық туберкулезге қарсы диспансерге жатқызылған. 16 мамырда салмағы 3100 грамм, бойы 52 сантиметр нәрестені өмірге әкелген. Сәби «таза аймаққа» ауыстырылып, COVID-19-ға экспресс және полимеразды тізбек реакциясына сынама алынды. Екі сынаманың да нәтижесі – теріс.
– Әйел еш қиындықсыз босанды. Шақалақтың анасын, туған-туыстарын және дәрігерлерді осынау қуаныштарымен құттықтаймын!–дейді туберкулезге қарсы диспансердің бас дәрігер Қасымжан Тәшіметов.
Жаңа босанған келіншекке облыс басшысы Ермек Маржықпаевтың атынан гүл шоқтары табыс етілді.
Аслан ОСПАНОВ,
«Арқа ажарының» өз тілшісі.
