Мемлекет басшысының тапсырмасына орай, биылғы жылдан бастап еліміздің азаматтары зейнетақы қорына жинақталған ақшаларының бір бөлігін алып, басқа мақсаттарға пайдалана алады.
Ол үшін жинақталған ақша көлемі белгіленген мөлшерден артық болуы тиіс.
«Бірыңғай жинақтаушы зейнетақы қоры» АҚ 2021 жылдың 1 қаңтарындағы мәліметіне сәйкес, жалпы саны 762 мың қазақстандық зейнетақы жинақтарының бір бөлігін алуларына болады. Оларға жалпы көлемі 2,4 триллион теңге төленуі тиіс.
Олардың арасында Алматы (70 700), Нұр-Сұлтан (94 700), Қарағанды облысы(77 500), Маңғыстау (64 300), Атырау (58 300), Шығыс Қазақстан облысы (49 400), Ақтөбе (42 400), Павлодар (38 600), Шымкент (29 800) көш бастап тұр. Қалған өңірлер бойынша, Қостанайда – 26 400 салымшы, Батыс Қазақстан облысында – 25 400, Алматы облысында – 20 900, Қызылордада – 17 400, Ақмолада – 17 040, Жамбылда – 15 900, Солтүстік Қазақстан облысы – 11 800 және Түркістан облысында – 1 200 адам зейнетақы жинағының артылған сомасын ала алады.
Төлем сомасы жағынан да Алматы қаласы (656,2 миллиард теңге), Маңғыстау (382,1 миллиард теңге) және Нұр-Сұлтан (326, 97 миллиард теңге) алда тұр. Одан кейін Атырау (252,3 миллиард теңге), Қарағанды облысы (182,9 миллиард теңге), Батыс Қазақстан облысы (102,4 миллиард теңге), Ақтөбе (101,2 миллиард теңге), Шығыс Қазақстан облысы (97,5 миллиард теңге), Павлодар (74,01 миллиард теңге), Шымкент (61,5 миллиард теңге), Қостанай облысы (47,5 миллиард теңге), Қызылорда (41,3 миллиард теңге) жайғасқан. Соңғы орындарда Алматы облысы (38,4 миллиард теңге), Ақмола (29,3 миллиард теңге), Жамбыл (28,6 миллиард теңге), Солтүстік Қазақстан облысы (20,1 миллиард теңге) және Түркістан (2,5 миллиард теңге) орналасқан.
