Облыстық дене шынықтыру және спорт басқармасының баспасөз қызметінің мәліметінше, Венгрияда гір спортынан әлем чемпионаты өтіп жатыр. Байрақты жарысқа әлемнің 32 елінен ең мықты атлеттер қатысуда. Оның ішінде Ақмола облысы Сандықтау ауданының спортшылары үздік нәтиже көрсетіп, екі медаль жеңіп алды.
«Андрей Дулин 63 келі салмақ дәрежесінде чемпион атанса, 95 келіде сынға түскен Владимир Прохоров қола жүлдегер атанды. Спортшылар бапкері Сергей Прохоровтың жетекшілігімен жаттығады», – деді ведомствоның баспасөз хатшысы Махаббат Большина.
