Ақмола облысында жоғалған бала 7 сағаттан соң табылды

Ақмола облысы полиция департаменті баспасөз қызметінің мәліметінше, Зеренді ауданының 12 жастағы тұрғыны желтоқсанның 22-де сағат 12:00 шамасында Көкшетау медициналық диспансерінің ғимаратында болғанда анасынан қашып кеткен.

“Сол күні сағат 19:00 шамасында жоғалған кәмелетке толмаған Болат Бекдәулетті Көкшетау қаласы полиция басқармасы бастығының бірінші орынбасары Жанат Шәріпов тауып, ата-анасына тапсырды. Бала анасымен ұрысып, қашып кетті. Бала “Бурабай” спорт кешенінің жанындағы аялдамадан табылды. Қазіргі уақытта баланың өмірі мен денсаулығына ешқандай қауіп төніп тұрған жоқ”, – деп түсіндірді департамент.

Кәмелетке толмаған баланы іздеуге 150-ден астам полиция қызметкері, оның ішінде 11 криминалдық полиция қызметкері, 23 ювеналдық полиция тобының қызметкері, учаскелік инспекторлар және патрульдік полиция батальонының жеке құрамы жұмылдырылды.

 1,426 total views,  26 Views Today

By admin

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Өзге де жаңалықтар