Есірткіні заңсыз тасымалдаумен айналысқандарға үкім шығарылды

Ақмола облыстық қылмыстық істер жөніндегі мамандандырылған ауданаралық сотында аса ауыр қылмыс-психотроптық және есірткі заттарының заңсыз айналымын жасаған трансұлттық қылмыстық топқа қатысты үкім шығарылды. Олардың қызметінің нәтижесінде 800 миллионнан астам теңге өндіріліп, заңдастырылды.

Степногорскіде алты қазақстандық пен Ресей Федерациясының бір азаматы есірткі зертханасын ашқан. 2018-2020 жылдар аралығында олар Ресей аумағынан психотроптық және есірткі заттарды сатып алып, контрабандалық жолмен Қазақстанға әкелген. Қылмыстық топ аса ірі мөлшерде есірткіні заңсыз тасымалдаумен, сақтаумен және сатумен  айналысқан.

Ақмола облыстық қылмыстық істер жөніндегі мамандандырылған ауданаралық сотының төрағасы Торқалы Бектұрсынов:

 –   Бес  сотталушы өз кінәсін мойындап, жазаны ішінара жеңілдетуді сұрады. Ал, қалған екеуі кінәсін мойындамай, ақталып шыққылары келді. Бұл жағдайды  біз толық зерттедік. Қылмыстық іс материалдарымен, сараптама қорытындылары олардың кінәлі екендерін растады. Сотталушылар Қазақстан Республикасы Қылмыстық кодексінің 266-бабы 2-бөлігі, 3-бөлігі 286, 4-бөлігі 297, 3-бөлігі 218 және 3-бөлігі 296-баптары бойынша қылмыстық құқық бұзушылық жасағаны үшін кінәлі деп танылды, – деп мәлімдейді. 

Осылайша қылмыстық топтың төрт мүшесі 17 жылға бас бостандығынан айырылса, қалған үшеуі сәйкесінше 15,10 және  9 жылға сотталған.  Сондай-ақ, қылмыстық жолмен алынған мүлікті тәркілеу жұмыстары жалғасуда.

«Арқа ажарының» өз ақпараты.

 500 Total Views,  2 Views Today

By Арқа ажары

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар