Ақмола облысы әкімінің орынбасары Алтынай Әміренованың төрайымдылығымен және әлеуметтік салада бірыңғай цифрлық платформаны енгізу мәселелері бойынша Қазақстан Республикасы Еңбек және халықты әлеуметтік қорғау министрлігі өкілдері, салалық басқармалар мен ведомстволардың басшылары қатысқан кеңес өтті.
– Біз бірыңғай цифрлық платформа тек есепке алу құралы ғана емес, мемлекеттік қолдау шараларын ұсыну кезінде атаулылық пен әділдікті қамтамасыз ету тетігі болатынына сенімдіміз, – деп атап өтті кеңесте облыс әкімінің орынбасары.
Облыс әкімінің баспасөз қызметінің хабарлауынша, қазіргі уақытта аймақта Socium және FSM Social жүйелері қолданылады.
Әлеуметтік саланың процестерін біріктіретін мемлекеттік ақпараттық жүйе азаматтарды анықтау мен сүйемелдеуден бастап қолдау шараларын тағайындау мен мониторингке дейін қамтылады. Платформа көмектің атаулылығын, шығындардың ашықтығын және автоматтандыру, скорингтік модель және сараптамалық бақылау тақталары арқылы басқаруды қамтамасыз етеді.
Бірыңғай цифрлық платформа азаматтардың әлеуметтік қолдауға қолжетімділігін жеңілдетуге және жеделдетуге, сондай-ақ, бюджет қаражатын пайдаланудың тиімділігін арттыруға мүмкіндік береді.
Осы күндері ішінде білім беру, денсаулық сақтау, дене шынықтыру және спортты қоса алғанда, әлеуметтік саладағы 720-дан астам мекеме, сондай-ақ, Бірыңғай цифрлық платформаны енгізу бойынша жұмыспен қамту және әлеуметтік бағдарламаларды үйлестіру оқытудан өтеді.
Қ.КӘКЕНОВ.
