Ақмола облыстық көпбейінді ауруханасында (МОБ) ангиохирургиялық бөлімше базасында алғаш рет аяқ веналарының варикозды кеңеюі кезінде эндовенозды лазерлік коагуляцияны (абляция) жүргізу бойынша мастер-класс өтті.
Жергілікті дәрігерлер үшін үш науқасқа ота жасауға MBA докторы, тамырлы хирург, интервенциялық рентгенхирург, Нұр-Сұлтан қаласындағы Ұлттық ғылыми онкологиялық орталығы интервенциялық рентгенхирургиясының басшысы Азат Шыналиев келді.
«Бүгінгі таңда варикозды емдеудің «алтын стандарты» бар-бұл тамырлардың лазерлік абляциясы. Менің сапарымның негізгі мақсаты – жергілікті дәрігерлермен тәжірибе алмасу. Жергілікті тұрғындарға көмек көрсету үшін олармен осы әдістемемен бөліскім келеді. Техниканың артықшылығы-ол жергілікті анестезиямен бір кішкентай пункция арқылы жүзеге асырылады. Отадан кейін науқас ұзақ оңалтуды қажет етпейді», – деп бөлісті Азат Шыналиев.
Дәрігердің айтуынша, бұрын мұндай ота тек үлкен қалаларда – Нұр-Сұлтан, Алматы, Шымкентте ғана жасалған. Ақмола облысында алғаш рет жүргізіліп отыр.
