Ақмола облыстық прокуратурасы сотқа дейінгі тергеу мерзімдерін сақтау және қылмыстық процесте азаматтардың конституциялық құқықтарының бұзылуына жол бермеу бойынша ведомствоаралық кеңес өткізді.
Кеңеске облыстың құқық қорғау органдары мен аумақтық бөлімшелерінің басшылары қатысты. Кеңесте сотқа дейінгі тергеп-тексерудегі қағазбастылықтың жолын кесу бойынша және процестік әрекеттерді сапалы әрі уақытылы жүргізу жөнінде шаралар әзірленді, сондай-ақ, қылмыстық тергеуге тартылған адамдардың құқықтарын сақтау мәселелері талқыланды.
Сондай-ақ, жастардың маргиналдануы және олардың жасаған пайдакүнемдік және зорлық-зомбылық қылмыстары жеке бөлімде талқыланды. Кеңес қорытындысы бойынша құқық қорғау органдарына нақты тапсырмалар берілді.
Ақмола облыстық прокуратурасының баспасөз қызметі.
