Өткен шілде айында Ақмола облысының прокуроры Руфат Құттықов Жақсы ауданында жұмыс сапарымен болып, азаматтардың жеке қабылдауын жүргізген болатын.
Сол жолғы жеке қабылдауда аудан тұрғындары «Жақсы-Чистополь» тас жолының күрделі жөндеу жұмыстарына байланысты айналма жолдың сапасы сын көтермейтіндігіне өз наразылықтарын білдірген еді. Атап айтқанда, көктемгі су тасқынынан және жаңбырдың салдарынан бұл жолмен жүрудің мүмкін еместігі алға тартылған-ды.
Бүгінгі таңда прокуратура тарапынан қабылданған шаралардың арқасында мердігер айналма жолға қиыршық тас төсеп, оны тегістеу жұмыстарын жүргізді. Сөйтіп, жеке қабылдауда көтерілген мәселе ескерусіз қалмай, нәтижесін берді.
Ақмола облыстық прокуратурасының материалы бойынша.
