Сыбайлас жемқорлықпен күресу әрбір азаматтың міндеті. Сыбайлас жемқорлық мемлекеттік институттарға деген сенімге нұқсан келтіреді, экономикалық дамуды бәсеңдетеді және азаматтар мен қоғамның өмір сүру сапасын төмендетеді.
Қазіргі таңда сыбайлас жемқорлық мәселесі жаһандық мәселеге айналды. Бұл жағдайбарлық елдерге тән, сондай-ақ, нарықтық экономикасы бар демократиялық мемлекеттерде де кездеседі. Әрбір мемлекет жаңғырукезеңінде болған уақытта сыбайлас жемқорлық та әрқашан жоғары болады.
Қазақстан мемлекеті үшін сыбайлас жемқорлықты жеңу – басты мақсаттардың, мемлекеттік саясаттың басым бағыттарының бірі болып табылады. Жемқорлықпен аяусыз күрес жүргізудің алғы шарты адалдық пен жауапкершілік мемлекет кепілі болып табылады.
Әр азамат жемқорлыққа қалай қарсы тұра алады?
Хабардарлық: Өз құқықтары мен міндеттерін білу азаматтарға сыбайлас жемқорлық әрекеттерін білуге және оған қарсы тұруға көмектеседі.
Ашықтық: Мемлекеттік органдар мен лауазымды тұлғалардан ашықтық пен есеп беруді талап ету. Мемлекеттік ұйым қоғам алдында есеп береді, сыбайлас жемқорлыққа қарсы күрес контекстінде мемлекеттік ұйымдар мен лауазымды тұлғалардың қызметі туралы ақпараттың ашықтығы мен қолжетімділігі болған кезде жемқорлық азаяды.
Ескерту: Сыбайлас жемқорлық фактілері туралы тиісті органдарға, мысалы, прокуратураға немесе сыбайлас жемқорлыққа қарсы күрес органына хабарлау.
Пара беруден бас тарту: Кезкелгенжағдайда пара беруденнемесеалудантүбегейлі бас тарту.
Қоғамдық бастамаларға қатысу: Сыбайлас жемқорлыққа қарсы бастамалар мен ұйымдарды қолдау және оларға қатысу азаматтардың міндеті.
Қорыта келгенде, сыбайлас жемқорлықты жою – қоғамдағы әрбір азаматтың міндеті. Қоғам мен мемлекеттің бірлескен күш-жігері арқылы ғана сыбайлас жемқорлық мүмкін болмайтындай жағдай жасай аламыз. Әрқайсымыз парадан бас тартып, сыбайлас жемқорлыққа қарсы бастамаларға белсене атсалысу арқылы қоғамның осы дертімен күресуге және оны жоюға үлес қоса аламыз.
Б.МАҚЫШЕВ,
Ақмола облысының қылмыстық істер жөніндегі мамандандырылған
ауданаралық сотының бас маманы.
