Қысқы қарекет
Ақмола облысы өзінің кең аңшылық алқаптарымен танымал. Олардың жалпы ауданы 12 миллион 343 мың гектар. Осы аумақта 161 аңшылық шаруашылығы жұмыс істейді.
Бүгінгі таңда 10 миллион 278 мың гектар алқапта түрлі меншік нысанындағы 82 заңды және жеке тұлғаның қарамағындағы 139 шаруашылық белсенді жұмыс істеуде.
Қыс мезгілінде жабайы жануарлардың жағдайы табиғи тағамның жетіспеуіне байланысты қиынға соғады. Жануарлар популяциясын қолдау үшін аңшылық шаруашылықтары жазда қажетті азық-түлік жинап, қысқа алдын ала дайындалады. Бұл мұқият жоспарлау мен күш-жігерді қажет ететін маңызды және жауапты жұмыс.
Суық ауа райының басталуымен жануарларды қажетті қоректік заттармен қамтамасыз ету үшін азықтандыру жұмыстары басталды. Ол үшін арнайы жабдықталған тамақтандыру алаңдарына жануарлардың денсаулығын нығайту үшін қажет тұз, энергия мен қоректік заттарға бай жем мен шөп, қосымша азық көзі ретінде қызмет ететін ағаш бұтақтарының тал жапырақтары қойылады.
Мұндай шаралардың жабайы табиғат популяциясын тұрақты ұстауға, әсіресе, қатал қыс пен шектеулі табиғи жем жағдайында көмегі зор.
Айта кету керек, жабайы жануарларды азықтандыру тек табиғатты күту ғана емес, сонымен қатар, әрбір аңшылық шаруашылығының биоәртүрлілік пен экологиялық тепе-теңдікті сақтауға бағытталған міндеті.
Осындай күш-жігердің арқасында Ақмола облысының аңшылық алқаптары өз әлеуетін сақтап, аймақтың жабайы табиғатының алуан түрлілігін қамтамасыз етеді.
Ақмола облыстық әкімдігінің баспасөз қызметі.
