Зауыттың сату және өткізу бөлімінің басшысы Айбек Қабиевтің айтуынша, «Көкшетау-4» аталатын аппараттың алғашқы 17-і данасын жергілікті ауруханаларды қамтамасыз ету үшін облыстық денсаулық сақтау басқармасы сатып алыпты. Зауытта тағы 50-ге жуық аппарат құрастырылуда. Жалпы, бүгінгі күнге дейін 300 дана «Көкшетау-4» өкпені жасанды тыныс алдыратын аппаратқа сұраныс түсіпті. Зауыт айына 20-30 дана аппарат шығара алады. Қажет болып жатса, өндіріс қуатын ұлғайтуға да мүмкіндігі бар. Ол үшін Ресейге қосымша жиынтық бөлшектеріне тапсырыс беріпті.
Сонымен қатар, кәсіпорында тәулігіне 6-7 мың дана медициналық маска тігілуде. Бүгінгі күні барлығы 35 мың дана маска шығарылған.
Аслан ОСПАНОВ,
«Арқа ажарының» өз тілшісі.
